Home » » Saat Mang Metro Ketinggalan Sepur

Saat Mang Metro Ketinggalan Sepur

Written By Posmetro Prabu on 06/08/16 | 6.8.16

"Tedok kan dulu ay la dalu, saisok nak ke Lampung pulo, Huahgrrrrr" uji Mang Metro menguap kelelahan di depan leptop sembari meringkesi meja kerjanya.

Siang tadi Mamang kito ini lah meli tiket di minimarket simpang empat sungai medang parak taman kota prabu jaya.

Singkat cerito, dari rumah di Meter sekiro pukul 09.30, Mang Metro menyetop taxi mintak diantarke ke stasion di Pasar. Di tiket, Sepur berangkat 10.00. "Dak usah nak ngebut igo mang supir, stasiun parak sinilah" uji mang metro menasehati mang supir.

Dak taunyo sampai dipasar lewat rel sepur dikit, jalan macet nak matilah. Oleh nak lebaran, pasar lok lautan manusio. Mang Metro pun mulai gelisah, apolagi saat mendengar bunyi sirene pertando sepur nak masok stasiun.

"Payo mang terabas bae" uji mang metro sambil memukul pundak sopir taksi di depannya.

"Atu Babaranjang Mang, Yang nak ke Tanjung Karang sedenget lagi nyampe" balas sopir taxi cak kepakaman.

Kondisi jalan merayap, akhirnya mang metro pun nyampe jugo di stasion. Tapi sayangnyo Sepur jurusan Lampung la ndulu pegi meninggalkan dio dewekan.

"Alangke sombongnyo kau ni sepur, semenit bae kau dak galak nungguke aku. Aku tuw bukan sengajo telambat ini ni" ujinyo merutok sepanjang jalan keluar menuju warung kopi depan Hotel Agung nungguke ojek.

Besoknyo mang metro meli tiket lagi di mini market Jalan Padat Karya Gunung Ibul. Di tiket ditulis saisok mang metro berangkat naek KA Raja Basa pukul 10.00. Oleh la bejanjian dengan "Budak" tuw, seulang ini Mang Metro bersumpah dak bakal ketinggalan sepur lagi.

Memang naseb lagi dang sial, Mang Metro bangun kesiangan. Idak semandian lagi, ia gancang menyambar tas lalu menutup pintu, berangkat bersama tukang ojek. "Gancang deket Mang, jangan due kali aku ketinggalan sepur, bakal ado yang saro agek" ujinyo ke Mang Ojek.

"Siapo ay yang saro Mang" ujar tukang ojek penasaran.

"Mamang pedengan nilah, Dekken ado pulo ceritonyo walikota yang saro" Mang Metro Merotok.

Idak sebayaran lagi ongkos ojek, mang metro langsung melumpat bae nai motor belahi ke stasiun ngejer sepur kalu bae sepur berbaik hati galak nungguke mang Matro. Tapi apa daya, begitu mang metro sampai di stasiun, gerbong sepur la tutupan galo.

"Nah kau. Sudah dua kali kau ninggalke aku iye. Jingok ke bae saisok apo yang nak terjadi" kembali mang Metro merutok pegi ninggalke stasiun.

"Nah kau mang, balek lagi kau ruponyo. Jangan galak nyaroi uwong mang kamu tuw, main nyelonong bae pegi dak bayar ongkos ojek" nyerocos tukang ojek dak karuan saat melihat kedatangan mang metro yang tertunduk lesu.

"Au Mang, oleh belum mayar tulah aku datang lagi kesini. Payo antarke aku balek lagi" ujar Mang Metro.

"Aku galak nunggu sini jugo oleh aku la tau kalu kamu itu dak bakal berangkat Mang. Tadi tuw la jam setengah sebelas" balas tukang ojek sambil ngedopke motornyo. Keduonyo lantas ketawo bersamo.

Sesampainyo di depan pom bensin parak kantor Sintap Prabumulih, Mang Metro ngajung tukang ojek muter balek ke Mini Market Simpang Empat Sungai Medang. Mang Metro nak meli tiket lagi berangkat malam ini.

Mang Metro : "Dek, meli tiket ke Tanjung Karang malam ini, berapo regonyo?"
Kasir Minimarket : "Bukannyo Mamang la berangkat kemarin, kapan baleknyo kok la meli tiket lagi"

Mang Metro : Masih terbawa esmosi "Dahlah dak usah banyak igo tanyoan, aku ini ketinggalan sepur. Cak idak nijak prabu bae sepur kamu tuw sekendak perut bae ninggalke uwong"

Kasir : Oh cak itu ruponyo ceritonyo mang. Nah ini tiketnyo 50 ribu. Jangan telat lagi kamu tuw mang. Jingoki Jadwalnyo biar idak kelupoan" nasehat kasir berambut panjang lurus, berkulit mulus belagak pulo. Mang Metro nak mati bae nelan ludah terpesona kecantikan sang kasir mini market.

Hampir bae Mang Metro numbor pintu keluar oleh melamunkan betino tadi. "Nah kau, ujinyo sadarkan diri mendorong pintu kaca minimarket itu untuk keluar.

Singkat cerito, malamnyo 1 jam sebelum berangkat Mang Metro sudah di Stasiun. Mang Metro pun tecogok bae di sudut ruang tunggu Stasiun KA Kota Prabumulih. Sesekali dio keluar untuk ngudut rokok Sampoerna Kretek kesayangnnya itu. Dibakarnya rokok tadi tuw, dalam atinya "Giliran dio dateng telambat dak papo, Aman kito yang dateng terlambat, Ninggalke mamak itu" mang metro merutok sambil ngembuske asap rokok dari mulutnya. Dimainkennyo asap rokok tadi mirip lingkaran.

Dak lamo sirene sepur pun berbunyi. Cak idak seneng mak itu, mato mang metro melotot bae ke arah Sepur lok kerasukan rimau.

Sepur berenti, Mang Metro pun masok kedalam gerbong. Dak lamo mang metro keluar lagi. Di elus elusnyo bodi gerbong sepur itu dengan dendam yang membara oleh la dua kali ditinggal pegi.

Suara dari pusat informasi pun berbunyi yang menandakan Sepur dak lamo lagi akan berangkat. Mendengar itu Mang Metro lantas berlari ke depan tepat di Lokomotif bagian depan Sepur dan berteriak sekeras-kerasnya.

"Hei kau sepur!!, Kemahi satu menit bae aku telambat kau idak galak nunggu, Tadi pagi la mak itu pulo. Ujiku kau idak nak nijak prabu lagi, cak kepakaman bae kau ini. Tadi aku la nungguke kau selamo sejam. Sekarang hasekanlah, kau yang kutinggalkan" uji mang metro berlalu sambil nguntalke tiket sepur yang dibelinyo tadi siang di simpang empat Sungai Medang.



Kiriman pembaca posmetroprabu.
Arya Suka Raja Pbm Selatan
Share this article :

+ komentar + 1 komentar

Posting Komentar

Situs Berita Online POSMETROPRABU.COM. Pertama dan Terbesar di Kota Prabumulih. Terbit sejak Juni 2011

 
Support : Creating Website | Johny Template | Posmetro Cyber Group
Copyright © 2011. Posmetro Prabu - All Rights Reserved
Template Created by Creating Website Published by Jun Manurung
Proudly powered by Posmetro Prabu